Ерөнхий

Энэхүү Нууцлалын бодлого нь app.chatpro.mn цахим аппликэйшн-г хэрэглэх, цахим үйлчилгээ ашиглан онлайн чат, хурал уулзалт хийхтэй холбогдон хувийн мэдээллийг хэрэглэгчээс авах болон ашиглахтай холбоотой мэдээлэл өгөх зорилготой юм. ЭБид хэрэглэгчийн хувийн мэдээллийг зөвхөн энэ хуудасны үйл ажиллагааг сайжруулах, аюулгүй, найдвартай ажиллагааг дэмжих зорилгоор ашиглана. Нууцлалын бодлогын дагуу системийн болон хэрэглэгчдийн аюулгүй байдал, тав тухтай үйлчилгээг хангахын тулд хэрэглэгч хувийн мэдээллээ бидэнд илгээх шаардлагатай. Энэхүү Нууцлалын бодлого нь манай Үйлчилгээний нөхцөлийн нэмэлт бөгөөд салшгүй хэсэг юм.

Мэдээлэл цуглуулах, боловсруулах, ашиглах үндэслэл, зорилго

app.chatpro.mn цахим аппликэйшн-г хэрэглэх, ашиглах явцад бид танд үйлчилгээ үзүүлэхийн тулд тантай хэрхэн холбогдож болох бусад мэдээллийг асуух болно. Хувийн мэдээлэл гэдэг нь таны нэр, овог, утасны дугаар, цахим шуудангийн хаяг, олон нийтийн сүлжээнд байх таны хувийн хуудас, нэр (эдгээр болон бусад) гэх мэт таныг тодорхойлох, бусад хэрэглэгчдээс ялгаж таних мэдээллийг хэлнэ. “app.chatpro.mn”-ийн тасралтгүй, найдвартай, хэвийн ажиллагааг хангах, системийг хөгжүүлэх, Хэрэглэгчийн хүсэл, сонирхолд нийцсэн, хялбар, энгийн шийдэл бүхий үйлчилгээг санал болгох зорилгоор Хэрэглэгчийн хувийн мэдээллийг цуглуулж, боловсруулж, ашиглана. Мэдээлэл хариуцагч энд зааснаас өөр зорилгоор мэдээллийг цуглуулахгүй, ашиглахгүй, дамжуулахгүй.

Хэрэглэгчийн хувийн мэдээлэл хамгаалах тухай

Хэрэглэгч систем дээрх өөрийн хувийн мэдээллийг хэдийд ч өөрчлөх эрхтэй. Таны гишүүнчлэлийн эрх болон холбогдох хувийн мэдээлэл буюу өмнөх худалдан авалтын мэдээллийг дараах нөхцөлд бид мэдээллийн сангаас боломжит хугацаанд устгана

• Бидний үйл ажиллагаа зогсож хэрэглэгчийн мэдээлэл дахин ашиглагдахгүй болсон үед
• Гуравдагч аппликейшн талаас өөрсдийн хэрэглэгчийн эрхийг хамгаалах зорилгоор мэдээлэл устгуулах хүсэлт ирүүлсэн бол
• Хэрэглэгч өөрийн мэдээллээ устгах хүсэлт гаргасан бол
• Гуравдагч аппликейшний Хэрэглэгчийн эрхтэй холбоотой журмын дагуу мэдээлэл устгах шаардлага гарсан бол

Log data буюу Үйлдлийн мэдээлэл

Хэрэглэгч манай системийг ашиглах үед интернэт хөтчөөс (browser) илгээдэг мэдээлэл (Үйлдлийн мэдээлэл буюу Log data)-ийг бид бусад олон вэб хуудасны адил бүртгэж авдаг. Үйлдлийн мэдээлэл гэдэгт таны компьютерийн IP хаяг, хөтчийн төрөл, таны зочилж буй хуудасны (app.chatpro.mn доторх) хаяг, тэр хуудсанд өнгөрүүлсэн хугацаа зэрэг мэдээлэл ордог. Үйлдлийн мэдээлэл нь статистик судалгааны зориулалттай бөгөөд таны хувийн мэдээлэлд хамааралгүй байдаг.

Cookie

Cookie гэдэг нь тодорхой хэмжээний мэдээлэл агуулсан жижиг файлууд бөгөөд таны зочилсон цахим хуудаснаас компьютерт илгээгдэж хатуу дискэнд хадгалагддаг. Бид олонх цахим хуудасны нэгэн адил Cookie файлаар дамжуулан мэдээлэл хадгалдаг бөгөөд та cookie хадгалахгүй байх тохиргоог өөрийн компьютерт тохируулах боломжтой. Cookie ашиглахгүй байх тохиргоо хийснээр манай хуудсыг ашиглахад танд зарим нэмэлт үйлдэл хийх шаардлага гарч болзошгүйг анхаарна уу.

Аюулгүй байдал

Хэрэглэгчдийн хувийн мэдээлэл нь бидэнд маш чухал бөгөөд аюулгүй, найдвартай хамгаалахын тулд бид орчин үеийн дэвшилтэт бөгөөд боломжит бүх арга хэмжээг авдаг. Гэвч цахим ертөнцөд 100%-ийн хамгаалалт гэж байхгүй тул бид танд бүрэн баталгаа өгөхгүй бөгөөд таныг ч бас хувийн мэдээллээ хадгалж бидэнтэй хамтран ажиллана гэдэгт итгэж байна. Та өөрийн хувийн мэдээллийн аюулгүй байдлыг хамгаалахын тулд нийтийн эсвэл бусдын компьютер, гар утас зэрэг төхөөрөмжид өөрийн нэр, нууц үгээр холбогдохоос аль болох зайлсхийх, нууц үгээ хэн нэгэнд хэлж өгөхгүй байх, нууц үгээ тогтмол өөрчилж байх зэргээр хамгаалах арга хэмжээ байнга авч байна уу.

Хэрэглэгч мэдээллээ хэрхэн устгах вэ?

Хэрэглэгч хувийн мэдээлэл болон өөрийн дансныхаа тохиргоог хэдийд ч өөрчлөх боломжтой бөгөөд өөрийн эрхээ идэвхгүй болгосон бол хэрэглэгчийн мэдээллийг системд дүрслэхгүй. Систем хэрэглэгчийн мэдээллийг хэрэглэгч идэвхитэй горимд орох хүртэл хадгална. Хэрэв хэрэглэгч өөрийн бүртгэл, мэдээллээ устгахыг хүссэн тохиолдолд contact@chatpro.mn и-мэйл хаягаар хүсэлтээ илгээснээр бид app.chatpro.mn системээс бүртгэл, мэдээллийг устгах болно.

Журамд өөрчлөлт оруулах тухай

Бид үйлчилгээгээ илүү хүртээмжтэй, аюулгүй болгох, таны хувийн мэдээллийг нууцлах, нууцыг хадгалах зорилгоор энэ журмыг гаргасан бөгөөд байнга сайжруулж байх үүрэгтэй билээ. Бид энэ журамд нэмэлт, өөрчлөлт оруулахдаа урьдчилан мэдэгдэх үүрэг хүлээхгүй бөгөөд өөрчлөлт оруулсан өдөр буюу системд заагдсан "Сүүлд шинэчилсэн" өдрөөс эхлэн шинэчилсэн журам мөрдөгдөнө. Энэ өдрөөс хойш та хуудсыг ашиглавал шинэчлэгдсэн журмыг хүлээн зөвшөөрсөнд тооцох юм. Иймд та журам шинэчлэгдсэн эсэхийг тогтмол шалгаж байна уу.

Бидэнтэй холбогдох

Ухаалаг шийдэл ХХК

• Утас: 75059009
• И-мэйл хаяг: contact@chatpro.mn
• Хаяг: Улаанбаатар хот, Сүхбаатар дүүрэг, 1-р хороо, ТЖ төв, 506 тоот